Մինչ ասուլիսի բուն թեմային անցնելը, պաշտպանության փոխնախարար Բալայանը օրվա՝ սեպտեմբերի 1-ի նշանակությունից ու նախարարությունում այդ ոլոտում ունեցած ձեռքբերումներից խոսեց։ Ռազմական կրթություն մասնագիտությունը շարունակում է գրավչությունը չկորցնել, դրա մասին է փաստում այս տարվա դիմելիության աճը։ Մոնթե Մելքոնյան վարժարանում այս տարի աննախադեպ է նաև իգական սեռի  կուրսանտների թիվը։ Փոխնախարարի թվարկած աննախադեպ իրադարձություններն այսքանով չեն ավարտվում․ երեկ ավարտվել է զորակոչը, արդյունքները գոհացուցիչ են, ավելին՝ նմանը չունեցող։

Աշխարհազոր կունեննաք բոլոր մարզերում, անգամ Երևանում։ Նրանք ներգրավված են լինելու ոչ միայն մարտական գործողություններին աջակցելու գործում , այլև քաղաքացիական պաշտպանության և տարհանման։ Նախագծի մոդելը բացառապես հայկական է և որևէ այլ երկրի օրինակի կրկնություն չէ։ Տվյալ մարզի կամ բնակավայրի աշխարհազորի հրամանատար կնշանակվի փոխմարզպետը կամ փոխքաղաքապետը։

Ըստ կանխատեսումների աշխարհազորում կամավորության հիմունքներով կներգրավվեն շուրջ 100․000 քաղաքացիներ։ Աշխարհազորորի կազմում կլինեն մինչև 70 տարեկան պաշտոնաթող սպաներ, այլ քաղաքացիներ՝ այդ թվում կանայք։ Զորակոչվելուց հետո նրանց կտրվի զինծառայողի կարգավիճակ` դրանից բխող սոցիալական բոլոր երաշխիքներով։