«590 հազար դոլարի գողության դեպքը հնարավոր է եղել բացահայտել քննիչի շնորհիվ». Արթուր Պողոսյան
Հ1-ի եթերում Քննչական Կոմիտեի նախագահ Արթուր Պողոսյանը հավաստիացրեց, որ ՔԿ-ից 590 հազար դոլարի գողության դեպքը կոմիտեն է բացահայտել:
«Գողությունը կատարվել է ՔԿ այն ստորաբաժանումից, որը տեղակայված է ՊԵԿ վարչական շենքում, իսկ շենքի պահպանությունը կատարում է մասնավոր ընկերությունը։ Քննչական կոմիտեն է բացահայտել դեպքը, քննիչը տեսել է առերևույթ հանցանք կատարած անձին և նրա հետևողականության արդյունքում հնարավոր եղավ բացահայտել դեպքը»,- ասաց Արթուր Պողոսյանը։ Նա հավաստիացրեց նաև, որ գումարի մեծ մասը հայտնաբերվել է:
