Բրազիլիայի կառավարությունը անհանգստությամբ հետևում է Լեռնային Ղարաբաղի տարածաշրջանում ռազմական առճակատման ընթացքին: ТАСС գործակալության փոխանցմամբ՝ այս մասին ասվում է Բրազիլիայի ԱԳՆ հայտարարության մեջ, որն այսօր հրապարկվել է գերատեսչության կայքում:

«Բրազիլիայի կառավարությունն անհանգստությամբ հետևում է Հայաստանի և Ադրբեջանի միջև զինված դիմակայության զարգացումներին, որոնք սկսվել են սեպտեմբերի 27-ին Լեռնային Ղարաբաղի հակամարտության գոտու շփման գծում: Բրազիլիան կողմերին կոչ է անում անհապաղ դադարեցնել ռազմական գործողությունները, հարգանք դրսևորել միմյանց ազգային և կրոնական ինքնորոշման հանդեպ և վերադառնալ բանակցությունների համապատասխան հարցերի շուրջ»,- նշվում է փաստաթղթում:  

Բրազիլիայի ԱԳՆ-ն նաև խոր ափսոսանք է հայտնել մարդկային կորուստների համար:

Հիշեցնենք, որ երեկ Ադրբեջանի զինուժը լայնածավալ հարձակում է սկսել Արցախում՝ թիրախավորելով նաև խաղաղ բնակչությանը։