Մեզ հետ չեն կարող պայմանավորվել, մեզ չեն կարող կաշառել. Լևոն Քոչարյան
Մեզ հետ չեն կարող պայմանավորվել, մեզ չեն կարող կաշառել։ Այս մասին ասել է ԱԺ «Հայաստան» խմբակցության պատգամավոր Լևոն Քոչարյանը։
«Երբ բանտում էի, միջնորդավորված փոխանցեցին, որ կարող են ինձ դուրս հանել բանտից, բայց պետք է չխառնվեի քաղաքականությանը։ Բնականաբար, մերժեցի։
Սկսած 2018-ից նրանք նպատակ ունեին և զգուշացնում էին, որ Քոչարյանը չվերադառնա, ասում էին՝ կալանավորելու ենք։ Երբ ինձ կալանավորեցին, չգիտեմ՝ գիտեք, թե ոչ, դա եղավ ցույցերի ժամանակ՝ ոստիկանների կողմից։ Այդ ամենից հետո, երբ ես բանտում էի, միջնորդի միջոցով ինձ փոխանցեցին, որ կարող եմ դուրս գալ, բայց պետք է չխառնվեմ քաղաքականությանը՝ ցույցերի և նման բաների։ Բնականաբար, դա մերժեցի շատ ուղիղ և շատ հստակ ձևով»,- նշել է նա։