Ռուսաստանի և Իսրայելի քաղաքացիություն ունեցող բլոգեր Ալեքսանդր Լապշինը հարցազրույց է տվել «Սիվիլնեթին»՝ անդրադառնալով ԼՂ հակամարտության շուրջ թուրք-ադրբեջանական համագործակցության նպատակներին, ինչպես նաև Իսրայելի կողմից Ադրբեջանին մեծածավալ զենք վաճառելու հարցին:

Ինչպես Լապշինը նախկինում արդեն բազմիցս նշել էր, նրա կարծիքով՝ , որպեսզի ցույց տա իր ժողովրդին, որ ինքը մեծն փարավոն է և հողեր է ազատագրում»:Ադրբեջանի նախագահ Իլհամ Ալիևը, նոր հարձակումներ սկսելով Ղարաբաղում, «նպատակ էր հետապնդում ոչ թե գրավել ամբողջ Լեռնային Ղարաբաղը, այլ որոշ տարածքներ առաջնագծում «Այդպիսով նա փորձում է շեղել իր ժողովրդի ուշադրությունը երկրում տիրող կոռուպցիայից և տնտեսական ճգնաժամից»:

Անդրադառնալով ԼՂ հակամարտությանը Թուրքիայի մասնակցությանը՝ բլոգերը նշել է, որ այդ գործոնը փոխել է սկբնական իրավիճակը՝ բարելավելով Հայաստանի դիրքերն ու տեսակետը աշխարհի մի շարք երկրների առաջ: «Ադրբեջանը, ինչպես գիտենք, ստանում է Թուրքիայի լիակատար աջակցությունը, ինչպես զենքի, այնպես էլ զինվորների տեսանկյունից: Դա փոխել է իրավիճակը: Երկու նախկին խորհրդային երկրների հակամարտությանը մեծ ուշադրություն չեն դարձնում տարբեր երկրներում, սակայն երբ այնտեղ հայտնվեց Թուրքիան, բոլորը հասկացան, որ չեն ցանկանում Թուրքիայի հզորացումը Հարավային Կովկասում: Դա չի բխում ո՛չ Ռուսաստանի, ո՛չ Իսրայելի, ո՛չ Եվրոպայի, ո՛չ Իրանի շահերից: Հաշվի առնելով Թուրքիայի ղեկավարության «պանթուրքիզմի» գաղափարախոսությունը՝ դա դուր չի գալիս բոլոր այն երկրներին, որոնց տարածքը նախկինում եղել է Օսմանյան կասրության կազմում: Ստացվում է այնպես, որ Հայաստանի հաղթանակը ձեռնտու է այդ բոլոր գերտերություններին»,- շեշտել է Լապշինը:

Վերջինս խոսել է նաև Իսրայելի կողմից Բաքվին զենք մատակարարելու մասին՝ նշելով, որ Բաքվի հետ համագործակցությունը ֆինանսական առումով շահավետ է Իսրայելի համար:

«Իսրայելը հետաքրքրված չէ Հայաստանի և Ադրբեջանի միջև հակամարտությամբ: Ադրբեջանի հետ վերջին 2 տարում կնքված պայմանագրերը հասնում են 5 մլրդ դոլարի: Սակայն Իսրայելը զենքի միակ մատակարարը չէ Ադրբեջանի համար: Ռուսաստանը, Բելառուսը և Թուրքիան գլխավոր մատակարարներն են Բաքվի համար»,- ասել է Լապշինը՝ շեշտելով, որ Բաքվին զենքի գլխավոր մատակարարները Հայաստանի դաշնակիցներն են ՀԱՊԿ-ի և ԱՊՀ-ի շրջանակներում:

Լապշինի խոսքով՝ բելառուսական «Պոլոնեզ» համակարգերի բաղադրամասերը այժմ էլ շարունակում են մատակարարվել Բաքվին «Silk Way Airlines» ընկերության օդանավերով:

Հիշեցնենք, որ սեպտեմբերի 27-ին Ադրբեջանի զինուժը լայնածավալ հարձակում է սկսել Արցախում՝ թիրախավորելով նաև խաղաղ բնակչությանը։

Հոկտեմբերի 7-ի դրությամբ Արցախի զինուժը խոցել է հակառակորդի՝ 16 ուղղաթիռ, 17 ինքնաթիռ, 126 անօդաչու թռչող սարք, 379 միավոր զրահատեխնիկա, հիմնականում տանկեր, 82 ավտոտրանսպորտ, 10 զրահափոխադրիչ, մեկ «ՏՕՍ-1Ա» ծանր հրանետային համակարգ, 4 «Սմերչ» և 1 «Ուրագան» տիպի համազարկային կրակի ռեակտիվ կայանքներ:

Հակառակորդն ունի ավելի քան 3710-3730 զոհ, ավելի քան 5270 վիրավոր։ Հայկական կողմից, նախնական տվյալներով, կա 331 զոհ։ Ադրբեջանի զինված ուժերը թիրախավորել է նաև Արցախի և Հայաստանի Հանրապետության զինվորական և քաղաքացիական ենթակառուցվածքները, որի հետևանքով Գեղարքունիքում սպանվել է 2 քաղաքացիական անձ, Արցախում վիրավորվել է 80 քաղաքացիական անձ, զոհվել՝ 19 մարդ, վնասվել՝ մոտ 2700 գույք ու ենթակառուցվածք։

Ադրբեջանական զինուժի հրետակոծության հետևանքով վիրավորվել են ինչպես արտասահմանյան, այնպես էլ տեղական լրատվամիջոցների լրագրողներ։ Հայաստանում և Արցախում սեպտեմբերի 27-ին հայտարարվել է ռազմական դրություն։