Սիրիայի նախագահ Բաշար Ասադն այսօր՝ օգոստոսի 30-ին, հաստատել է կառավարության նոր կազմը։ Վարչապետի պաշտոնում է Հուսեյն Արնուսը։ ԱԳՆ և ՊՆ նախարարները պահպանել են իրենց պաշտոնները, հաղորդում են նախագահի գրասենյակից։

«Նախագահ Ասադի հրամանով՝ նոր կառավարությունը կգլխավորի Հուսեյն Արնուսը։ Գեներալ Ալի Աբդալա Այուբը նշանակվում է փախվարչապետ, պաշտպանության նախարար, իսկ Վալիդ ալ Մուալեմը՝ փոխվարչապետ, արտաքին գործերի նախարար»,- ասված է տեքստում։

Նոր կառավարության կազմում է ընդգրկվել 29 նախարար, այդ թվում՝ 2 կին, որոնք զբաղեցնում են մշակույթի և աշխատանքի և սոցիալական հարցերով նախարարների պաշտոնները։

Սիրիայում վերջերս տեղի ունեցած նավթամուղի պայթյունից հետո նոր վարչապետը փոխել է նավթի և էլեկտրաէներգետիկայի նախարարներին։