«Կառավարությունն ու քաղաքապետարանը երկու տարի շարունակ ոչինչ չեն արել. կա՛մ պիտի այդ Գազելները մնան և վտանգեն քաղաքացիների կյանքը, կա՛մ դուրս գան, և տրանսպորտային կոլապս սկսվի»,- այսօրվա ասուլիսի ժամանակ ասաց Երևանի ավագանու «Լույս» խմբակցության ղեկավարԴավիթ Խաժակյանը:

Ի պատասխան լրագրողի հարցին, թե Խաժակյանն այս դեպքում ի՞նչ է առաջարկում, վերջինն ասաց.

«Առաջարկում եմ այս պահից սկսած թողնել մեծամիտ վերաբերմունքն այդ գործի նկատմամբ և ներգրավել մասնավոր ներդրողների, միասնական օպերատորի, ցանկալի է երկուսին ամբողջ քաղաքի սպասարկման համար, տալ երաշխիքներ, որ վերջինի հետ չեն վարվի այնպես, ինչպես շատ ներդրողների հետ, և այդ կազմակերպությունները բերեն նոր ավտոբուսներ»: