Փաստաբան Ալեքսանդր Կոչուբաևը ֆեյսբուքյան իր էջում գրում է. 

ԶԼՄ-չինովնիկ հարաբերությունների մասին

Վերջին շրջանում հաճախակիացել են գործող իշխանության բարձրաստիճան, մանր ու միջին չինովնիկների հայցերը ընդդեմ ԶԼՄ-ների` հատկապես ընդդիմախոսություն տարածող: Նման իրավիճակը ծայրահեղ անընդունելի է իրավական և ժողովրդավարական հասարակարգերում: Հատկապես մտահոգիչ է այդ հայցերի առարկան: Մեր չինովնիկները շատ նեղացկոտ են և ամեն հրապարակումից հետո դիմում են դատարան: Մինչդեռ արդեն միջազգային ստանդարտ-կանոն է, որ պաշտոնատար անձինք պարտավոր են լինել ավելի հաստակաշի և քննադատության, ընդդիմախոսության նկատմամբ ավելի քիչ զգայուն, քան հանրային ծառայության մեջ չգտնվող անձը: Ընդ որում, երբ մամուլը խոսում է այս կամ այն գործչի կոռուպցիոն ներգրավվածության մասին, դատարան դիմելու փոխարեն չինովնիկը նախ և առաջ պետք է հիմնավորի իր անբասիրությունը: Իշխանությունը ճնշելով ազատ խոսքը` սեփական ձեռքերով է կառուցում իր դամբարանը: