Վիդալը կլինի հաջորդ ֆուտբոլիստը, որը կլքի «Բարսելոնան»
Կատալոնական «Բարսելոնայի» և Չիլիի ազգային հավաքականի կիսապաշտպան Արտուրո Վիդալը չի շարունակի մրցելույթներն Իսպանիայի փոխչեմպիոնի կազմում:
Sport.es-ի հաղորդմամբ՝ 33-ամյա Վիդալն արդեն համաձայնության է եկել Միլանի «Ինտերի» ղեկավարության հետ:
Չիլիացի կիսապաշտպանն «Ինտերի» հետ կկնքիի 2 տարվա պայմանագիր՝ տարեկան 6 միլիոն եվրո աշխատավարձով:
Հիշեցնենք, որ Արտուրո Վիդալը «Բարսելոնա» է տեղափոխվել 2018 թվականին Մյունխենի «Բավարիայից»:
Ավելի վաղ «Բարսելոնան» հայտարարել էր խորվաթ կիսապաշտպան Իվան Ռակիտիչի՝ «Սևիլիա» տեղափոխության մասին:
