Ովքեր են Արցախի երեք նոր գեներալները
Տիգրան Աբրահամյանն իր էջում գրում է.
«Պաշտպանության բանակի գնդապետներ Կարեն Շաքարյանին, Կարեն Առստամյանին և Սամվել Պողոսյանին շնորհվել է գեներալ-մայորի զինվորական կոչում:
Կյանքի ու ծառայության բերումով 3-ի հետ էլ Պաշտպանության բանակում շփվել եմ, ծառայել եմ, լավ եմ ճանաչում: Բոլորն էլ զինվորականին հատուկ ծանր, բարդ, աշխատատար, սակայն միևնույն ժամանակ խիստ պատվաբեր ճանապարհ են անցել:
Կարեն Շաքարյանին նույնիսկ իմ պարտադիր ժամկետային ծառայության տարիներից եմ հիշում՝ արդեն հեռավոր թվացող 2006 թվականին, մեր զորամասի հրամանատարն էր: 2016 թվականին ապրիլին հյուսիս-արևելյան ուղղությամբ ծավալված մարտական գործողությունների ժամանակ իրեն լավագույն ձևով է դրսևորել, որի շատ դրվագներ նույնիսկ չի հանրայնացվել: Հուսով եմ, որ դրա ժամանակը կգա, ես որ առիթ կունենամ անդրադառնալու:
Կարեն Առստամյանը տարբեր պաշտոններ է զբաղեցրել ՊԲ-ում, գլխավորել տարբեր զորամասեր, մեծ ներդրում ունի առաջնագծի ինժիներական կահավորման, նոր ենթակառուցվածքների ստեղծման աշխատանքներում:
Սամվել Պողոսյանը ՊԲ-ում համեմատաբար քիչ է ծառայել, սակայն զինվորական ծառայության հարուստ կենսագրություն ունի, տարբեր հրամանատարական պաշտոններ է զբաղեցրել սահմանի տարբեր ուղղություններով: Այսօր էլ շարունակում է իր ծառայությունը բավականին կարևոր դիրքում»:
