ԱՄՆ նախագահ Դոնալդ Թրամփի նախընտրական շտաբը համացանցային գովազդի վրա ծախսել է ռեկորդային՝ 64․7 մլն դոլար։ Այս մասին են վկայում Google Transparency Report-ի կայքում հրապարակված տվյալները։

Նշվում է, որ Թրամփի շտաբի ծախսերը գերազանցել են Նյու Յորքի նախկին քաղաքապետ, միլիարդատեր Մայքլ Բլումբերգի ծախսերը։ Թրամփը 64․7 մլն դոլար ծախսել է 2018 թվականի մայիսից, իսկ Բլումբերգը 62․19 մլն դոլարը՝ 2020 թվականին։ Հիշեցնենք, որ նա այս տարի ձգտել է Դեմոկրատական կուսակցությունից առաջադրման։

Դեմոկրատական կուսակցությունից առաջադրված թեկնածու Ջո Բայդենը գովազդի վրա ծախսել է կրկնակի քիչ՝ 32․58 մլն դոլար։

ԱՄՆ-ում նախագահական ընտրությունները կկայանան նոյեմբերի 3-ին։ Գլխավոր մրցակիցներն են Դոնալդ Թրամփն ու Ջո Բայդենը։