Պուտինը, Թրամփը, Մակրոնը, Սի Ծինփինը, Ռոհանին, Էրդողանը ելույթ կունենան ՄԱԿ-ի Գլխավոր ասամբլեայում
Սեպտեմբերի 22-ին ՄԱԿ-ի Գլխավոր ասամբլեայի հոբելյանական 75-րդ նստաշրջանում ելույթ են ունենալու Ռուսաստանի, ԱՄՆ-ի, Թուրքիայի, Իրանի, Ֆրանսիայի նախագահներ Վլադիմիր Պուտինը, Դոնալդ Թրամփը, Տեջեփ Թայիփ Էրդողանը, Հասան Ռոհանին, Էմանուել Մակրոնը, ինչպես նաև՝ Չինաստանի Կոմունիստական կուսակցության ղեկավար Սի Ծինփինը:
Ինչպես հաղորդում է ТАСС գործակալությունը, նախատեսվում են նաև Բրազիլիայի, Չիլիի և Կուբայի ղեկավարների ելույթները:
Այս տարի, կորոնավիրուսի համավարակով պայմանավորված, ելույթները նախապես ձայնագրվելու են և հրապարակվելու տեսանյութի տեսքով, բայց, միաժամանակ, պետությունների ղեկավարներին արգելված չէ ցանկության դեպքում ժամանել ՄԱԿ-ի կենտրոնակայան:
