Ֆրանսիայի նախագահ Էմանուել Մակրոնը առաջին արտասահմանյան ղեկավարն է , որն այցելել է Բեյրութ ավերիչ պայթյունից հետո: Այսօր  նա եղել է Լիբանանի մայրաքաղաքում: Մակրոնի ժամանումից մի քանի ժամ առաջ Լիբանանի նախագահը նշանակել է նոր վարչապետ ՝ կառավարություն կազմելու համար, որը փոխարինելու է  պայթյունից հետո հրաժարական տված կաբինետին: 

Այս օրերին Լիբանանը նշում է իր 100-ամյակը: Առաջին համաշխարհային պատերազմի արդյունքում Օսմանյան կայսրության փլուզումից հետո այն հայտարարվեց առանձին պետություն, Ազգերի լիգայի մանդատի ներքո միանգամից տեղափոխվեց Ֆրանսիայի վերահսկողության տակ եւ  իրական անկախություն ձեռք բերեց 1943 թվականին:

Այդ կապակցությամբ, նախկին կառավարող տերության ղեկավար Էմանուել Մակրոնը երկուշաբթի օրը ժամանել է Բեյրութ: Օգոստոսի 4-ին տեղի ունեցած պայթյունից հետո սա նրա երկրորդ այցն էր Լիբանան:

Մակրոնը չի թաքցրել, որ ինքը եկել է ոչ միայն եւ ոչ այնքան պատմական տարեդարձը նշելու, այլ միջնորդելու ներկայիս ճգնաժամից դուրս գալու ուղիների շուրջ Լիբանանի քաղաքական ուժերի բանակցություններում: Ուղեւորության նպատակը նա ձեւակերպել է որպես «օգնել բայց չխանգարել»:

Լիբանանի նախագահ Միշել Աունը, Մակրոնի այցի մեկնարկից մի քանի ժամ առաջ, երկրի վարչապետ է նշանակել Մուստաֆա Ադիբին, նախկինում քիչ հայտնի 48-ամյա դիվանագետը 2013 թվականից դեսպան էր աշխատում  Բեռլինում:

Մակրոնը Լիբանանում ծրագրում է 11 հանդիպում տարատեսակ դիվանագետների հետ, ներառյալ՝ Հզբոլլահի ներկայացուցիչների: