Այշատ Կադիրովան՝ Չեչնիայի ղեկավար Ռամզան Կադիրովի դուստրը, նշանակվել է հանրապետության մշակույթի նախարարի առաջին տեղակալ: Այս մասին նա հայտարարել է իր Telegram-ալիքում:

«Չնայած երիտասարդ տարիքին՝ նա ամենաբարդ եւ ամենախոշոր նախագծերը ղեկավարելու մեծ փորձ ունի, այդ թվում՝ մշակույթի ոլորտում»,- գրել է չեչեն ղեկավարը:

Այշատ Կադիրովան ծնվել է 1998 թվականին՝ Ցենտարոյ գյուղում: 2016-ին ընդունվել է Չեչնիայի պետական համալսարանի տնտեսագիտության ֆակուլտետ: 2016թ․ Կադիրովան ամուսնացել է Չեչնիայի ղեկավարի մտերիմ ընկերոջ որդու հետ:

Այշատը Ռամզան Կադիրովի երեխաներից առաջինն է, ով ղեկավար պաշտոն է ստացել: Մինչ այդ նա զբաղվում էր Firdaws նորաձեւության տան զարգացմամբ, որը 2009թ․ հիմնադրել է նրա մայրը՝ Չեչնիայի ղեկավարի տիկին Մեդնի Կադիրովան: