Վաշինգտոնում ոստիկանները ձերբակալության ժամանակ կրակել են 18-ամյա աֆրոամերիկացու վրա, հայտնում է WJLA հեռուստաալիքը։

Տեղի ոստիկանապետ Փիթեր Նյուսեմի հայտարարությամբ՝ իրավապահները դեպքի վայր են ժամանել ահազանգ ստանալուց հետո, թե մեքենաներից մեկում զինված անձինք կան։

«Երբ նրանք մոտեցել են մեքենային, ներսում գտնվողներից մի քանիսը փախուստի են դիմել։ Այդ ժամանակ ոստիկաններից մեկը կրակոց է արձակել»,-ասել է Նյուսեմը։

Տուժածին տեղափոխել են տեղի հիվանդանոցներից մեկը, սակայն նրա կյանքը փրկել չի հաջողվել։ Դեպքի վայրում 2 ատրճանակ է հայտնաբերվել, սակայն հստակ տեղեկություն չկա այն մասին՝ զոհը զինվա՞ծ է եղել, թե՞ ոչ։

Ոստիկանությունը պարզում է տեղի ունեցածի հանգամանքները։ Նշվում է, որ զոհը 18-ամյա Դեյոն Քեյն է։