«Նկատվում է դեպքերի նվազում, հուսամ՝ այն կարունակվի ու երկրորդ ալիքի հետ չենք բախվի: Ունենք իրավիճակ, երբ հնարավորություն է ընձեռվել արտակարգ դրության ռեժիմից անցնելու արտակարգ իրավիճակի ռեժիմի»,- լրագրողների հետ ճեպազրույցում ասաց «Իմ քայլը» խմբակցության պատգամավոր, պետաիրավական հարցերի հանձնաժողովի նախագահ Վլադիմիր Վարդանյանը՝ անդրադառնալով ԱԺ վաղվա արտահերթ նիստի օրակարգում ընդգրկված փաթեթին։ Պատգամավորը հավելեց, որ փորձ է կատարվելու անցում կատարել առավել մեղմ ռեժիմի, որը թույլ կտա, երաշխավորելով անձի իրավունքներն ու հիմնարար ազատությունները, նաև կանխարգելել վարակի տարածումը: