«Մենք տեսնում ենք, որ այսօրվա իշխանության արբանյակները գնում են Արցախ ու ասում՝ բարի գալուստ Արցախի մարզ: Արցախահայության պայքարն ուղիղ պայքար է, որի հիմքը ինքնորոշումն է»,- «Արմնյուզ» հեռուստաընկերության եթերում ասել է ՀՀԿ կուսակցության գործադիր մարմնի անդամ Էդուարդ Շարմազանովը՝ հավելելով, որ «ոչ մի իշխանություն չի կարող Արցախի հարցը իջեցնել տարածքային վեճի մակարդակի»:

Անդրադառնալով ներքաղաքական հարցերին, մասնավորապես՝ ընդդիմադիր ուժերի պասիվությանը, Էդուարդ Շարմազանովն ասել է. «Քաղաքական հիմնական ինտելեկտուալ պոտենցիալը գտնվում է խորհրդարանից դուրս, որը շատ վատ է Հայաստանի համար»:

Ըստ Շարմազանովի՝ ՀՀ վարչապետ Նիկոլ Փաշինյանն իրեն թշնամի է համարում ոչ թե Ալիևին, այլ՝ նախկին իշխանություններին: