Կառավարության նախաձեռնությամբ հրավիրված այսօրվա ԱԺ արտահերթ նիստի օրակարգում «Բնակչության  սանիտարահամաճարակային անվտանգության ապահովման մասին» օրենքում փոփոխություն և լրացում կատարելու մասին փաթեթն է:

Բայց մինչ օրակարգին անցնելը, ԱԺ նախագահ Արարատ Միրզոյանը հիշեցրեց, որ «Լուսավոր Հայաստան» խմբակցության պատգամավոր Մանե Թանդիլյանը վայր է դրել մանդատը և նրան փոխարինում է «Լուսավոր Հայաստանի» ցուցակի հաջորդ թեկնածուն՝ Ստեփան Ստեփանյանը: Վերջինս, համաձայն ԱԺ կանոնակարգ օրենքի 33 հոդվածի 4-րդ մասի՝ երդվեց «բարեխղճորեն կատարել ժողովրդի առջև ունեցած պարտավորությունները»: