Իսլանդիայի գիտնականները հետազոտություն են իրականացրել, որով պարզել են, որ COVID-19-ով վարակվածների օրգանիզմում, առողջանալուց հետո, շուրջ 4 ամիս պահպանվում են հակամարմինները։ Հաղորդում է The New England Journal of Medicine բժշկական պարբերականը։ 

Այսպիսով՝ հետազոտության մասնակիցների 90%-ի օրգանիզմում նշված ժամանակահատվածում կայուն  հակամարմիններ են ձևավորված եղել, իսկ առաջին երկու ամսում դրանց քանակն ավելացել է։

 

Փորձագետները նաև նշել են, որ այդ հետազոտություններն անցկացվել են միայն Իսլանդիայի քաղաքացիների շրջանում, որտեղ բնակչության միայն 1% է վարակված եղել նոր կորոնավիրուսով։ Այս ցուցանիշները այլ երկրներում  կարող են տարբեր լինել։ 

Իսկ ավելի վաղ պարբերականը հայտնել էր, որ COVID-19-ի դեմ պատվաստված քաղաքացիների օրգանիզմում հակամարմինները պահպանվել են դեռ 5 ամիս անց ։