Բելառուսի նախագահ Ալեքսանդր Լուկաշենկոն իր կառավարման 26 տարիների ընթացքում ամենազանգվածային բողոքի ցույցերի ֆոնին պատրաստ է գնալ զիջումների, որոնք Ռուսաստանը վաղուց էր պահանջում: Մոսկվայից աջակցությունը կարող է հանգեցնել երկու երկրների հետագա ինտեգրմանը՝ գրում է El País-ը:

Ռուսաստանի նախագահ Վլադիմիր Պուտինի հետ Լուկաշենկոյի հանդիպումից առաջ Ռուսաստանի վարչապետ Միխայիլ Միշուստինը՝ մի շարք ռուս քաղաքական գործիչների, այդ թվում՝ էներգետիկայի նախարար Ալեքսանդր Նովակի ուղեկցությամբ, ժամանել է Մինսկ:

Աջակցության դիմաց Ռուսաստանը ակնկալում է ոչ միայն երաշխիքներ, որ Բելառուսը կմնա իր ազդեցության գոտում, այլև առաջընթաց կգրանցի տնտեսական, հարկաբյուջետային և ռազմական համաձայնագրերի իրականացման ճանապարհային քարտեզի հարցում, ինչը «կամրապնդի Մինսկի կախվածությունը Կրեմլից»:

Հանդիպումից հետո Միշուստինը հայտարարել է էներգակիրների վճարման հետ կապված նոր պայմանավորվածությունների և միութենական պետության ապագայի առաջընթացի մասին: