Ավելի քան 10 տարի շարունակված շինաշխատանքներից հետո Կոլումբիան բացել է Հարավային Ամերիկայում ամենաերկար՝ 8․65 կմ թունելը։ Կառուցման արժեքը կազմել է 270 մլն դոլար։ Թունելն անցնում է երկրի արևմտյան մասով՝ Անդյան լեռնաշղթային կենտրոնական հատվածով։

Tunel de la Linea թունելը նախագահի մասնակցությամբ բացվել է սեպտեմբերի 4-ին, հայտնում է Reuters-ը։

Թունելը կօգնի ժամանակ և գումար խնայել խաղաղօվկիանոսյան նավահանգստային Բուենավենտուրա քաղաքից դեպի Անդերի կենտրոնական տարածաշրջան ապրանքների տեղափոխման վրա։