ԱՄՆ-ը Նավալնիի թունավորման վերաբերյալ որևէ ապացույց չունի․ Թրամփ
ԱՄՆ նախագահ Դոնալդ Թրամփը հայտարարել է, որ Վաշինգտոնը չունի որևէ ապացույց ռուս ընդդիմադիր գործիչ Ալեքսեյ Նավալնիի թունավորման վերաբերյալ։ Այս մասին Թրամփն ասել է Սպիտակ տանը կայացած ճեպազրույցի ժամանակ, հայտնում է ТАСС-ը։
«Ես հստակ չգիտեմ, թե ինչ է տեղի ունեցել։ Մենք դեռևս որևէ ապացույց չունենք, բայց ես դա կուսումնասիրեմ»,-ասել է նա՝ խոստանալով լրջագույն ձևով դիտարկել Նավալնիի շուրջ ստեղծված իրավիճակը։
Թրամփը եզրափակել է՝ ասելով, որ Գերմանիայի եզրակացությունները կասկածի տակ չեն դրվում, սակայն իրենք որևէ ապացույց չեն ստացել։
