Սիրիայի տարածքում ՄԱԿ-ի ավելի քան 200 աշխատակից վարակվել է կորոնավիրուսով։ Այս մասին հայտնել է Սիրիայում մարդասիրական օգնության հարցերով ՄԱԿ-ի համակարգող Իմրան Ռիզան, փոխանցում է Reuters-ը։

Ռիզայի խոսքով՝ երկրում վարակման դեպքերի թիվը կտրուկ աճում է։ Նա անհանգստություն է արտահայտել՝ կապված երկրում համաճարակաբանական իրադրության խորացման հետ։

Պաշտոնական տվյալներով՝ երկրում հաստատվել է 3171 դեպք, մահացել է 134 պացիենտ։ Միևնույն ժամանակ մարդասիրական ոլորտի աշխատողներն ու բժիշկները հայտնում են, որ վարակակիրների իրական թիվը զգալի շատ է ներկայացվող պաշտոնական թվից։