Հռոմի պապը բամբասանքը համարում է կորոնավիրուսից վատ ժանտախտ
Հռոմի պապ Ֆրանցիսկոսը կիրակի օրը հավատացյալներին հորդորել է զգուշանալ և խուսափել բամբասանքներից:
«Եղբայրնե՛ր և քույրե՛ր, խնդրում եմ՝ եկեք ջանք գործադրենք և դադարեցնենք բամբասելը: Բամբասանքը շատ ավելի սարսափելի ժանտախտ է, քան COVID-19- ը», – Հռոմի պապի խոսքերը մեջբերում է Reuters- ը:
Նա զգուշացրել է, որ բամբասանքները կարող են պառակտել կաթոլիկ եկեղեցին:
«Սատանան մեծ բամբասող է: Նա միշտ վատ բաներ է պատմում ուրիշների մասին, քանի որ նա մեծ ստախոս է, և դրանով փորձում է մասնատել եկեղեցին», – ասել է Հռոմի պապը:
Նախկինում ևս Հռոմի պապը բազմիցս կոչ է արել մարդկանց պայքարել բամբասանքների դեմ:
