Հայաստանի ազգային հավաքականը վաղը Ազգերի լիգայի խաղարկության երկրորդ տուրում Հանրապետական մարզադաշտում կընդունի Էստոնիայի ընտրանուն: Առաջին տուրում Հայաստանի հավաքականը պարտվել էր Հյուսիսային Մակեդոնիայի հավաքականին 2-1 հաշվով: Ինչպես առաջին, այնպես էլ այս տուրում հավաքականի հայտացուցակից բացակայում է Հենրիխ Մխիթարյանը:

Հավաքականի գլխավոր մարզիչ Խոակին Կապարոսի այսօրվա ասուլիսում լրագրողները հետաքրքրվել են ՝ արդյոք նրա բացակայությունը կոնֆլիկտի հետևանք չէ:

«Դատելով նրա հետ իմ զրույցից՝ կարող եմ ասել որևէ կոնֆլիկտ չկա: Հենրիխը պատրաստ է գալ Երևան, արդեն մյուս հավաքին մասնակցել, ամենայն նվիրումով խաղալ հավաքականի և երկրի համար ու օգտակար լինել թիմին»,- ասել է Կապառոսը: