Ֆրանսիայում երկու մարդ կասկածվում է երկրով մեկ ձիերի դաժան սպանությունների եւ խոշտանգումների մեջ՝ նրանց հաջողվել է փախչել հետապնդումից, հայտնում է Reuters-ը՝ հղում անելով ոստիկանությանը:

Վերջին միջադեպը տեղի է ունեցել Դիժոնի մոտակայքում, որտեղ ձիերի տերը նկատել է երկու մարդու եւ ահազանգել:

 

Ոստիկանությունը խոշոր որոնողական գործողություն է անցկացրել՝ 40 սպաների եւ ուղղաթիռի մասնակցությամբ, բայց կասկածյալները դիմել են փախուստի:

«Գործողությունը ավարտված է: Այժմ մենք հետաքննում ենք հանցանշանները: Այս պահին բանալին (հանցագործությունների բացահայտման - խմբ.) չկա»,- հայտնել են ոստիկանությունում:

Ավելի վաղ Ֆրանսիայի իշխանությունները հայտարարել էին երկրի տարբեր մասերում ձիերի դաժան սպանությունների ու խոշտանգումների ալիքի մասին: Դիտարկվում է նույնիսկ որոշ ծեսերի վարկածը: Նրանք կտրում են սպանված ձիերի մարմնի տարբեր մասերը, հանում են աչքերը եւ նույնիսկ արնաքամ են անում: