«Իրավունքի ուժը» ՀԿ համահիմնադիր Արման Ղարիբյանը ֆեյսբուքյան իր էջում գրել է. «Վա՜յ-վա՜յ-վա՜յ, նոր հասկացանք, որ «Մարտի 1»-ի գործը տեղից չի շարժվում։ Իսկ կուզե՞ք պատճառն իմանալ։ Ասեմ. գործի ապացույցները կեղծել է Վահագն Հարությունյանը, ով փախած է երկրից։ Այնպես է կեղծել, որ ամենաահավոր հանցագործությունները մնան չբացահայտված։

Հարությունյանը ներկայիս Գլխավոր դատախազի ընկերն է։ Հիմա դուք ակնկալո՞ւմ էիք, որ Հարությունյանի ընկերը իրապես ուզելու էր նրան, քոչարյանին ու մյուսներին դատել։ Լո՞ւրջ։ Հիմա մեկ այլ ուշագրավ փաստ։ Վահագն Հարությունյանի կողմից մեկ այլ հանցագործության իրականացման վերաբերյալ հաղորդում ներկայացրած անձին Արթուր Դավթյանը ոչ միայն փակած է պահում բանտում, այլև նրա դեմ մահափորձ են արել պետական հիմնարկում։ Եվ ինչպիսի՜ անակնկալ, մահափորձ կատարածներն ու պատվիրատուները ոչ մի կերպ չեն հայտնաբերվել։ Փոխարենը Վահագն Հարությունյանը ապահով ու ազատ է, իսկ իր դեմ հաղորդում տված անձը՝ անազատության մեջ»: