Արցախի Հանրապետության Անվտանգության խորհրդի քարտուղար Սամվել Բաբայանն այսօր հանդիպել է ԱԺ պատգամավորների հետ: Արդյոք անվտանգության խորհուրդն ունի կանոնադրություն, և արդյոք այն հասանելի է: Այս հարցը տվեց պատգամավորներից մեկը:

«Նախագահն իր լիազորությունների մի մասը տվել է մեզ՝ հրամանով, դա նրա իրավունքն է՝ ինչ մասով մեզ լիազորի, իր լիազորության որ մասն է տվել, որ մենք զբաղվենք: Այն ամբողջովին գաղտնի է, ավելի շատ բան չենք կարող ասել, խոսքը կանոնադրության և կառուցվածքի մասին է: Եթե հարց կա, դիմեք նախագահի ապարատ, թող նրանք ձեզ մեկնաբանեն: Բայց լիազորությունները տրված են, ինչքանով որ պետք է: Մենք ունենք համատեղ հինգ կետ ունեցող հուշագիր, դրա շրջանակում մենք համագործակցում ենք: Լիազորված ենք ամեն հարցով: Անվտանգության հարցով ինչ նկատի ունենք, ցանկացած ոլորտ՝ բնապահպանությունից սկսած, գյուղապետով, բոլոր ոլորտներով իրավունք ունենք ստուգենք, նայենք՝ ինչ է կատարվում, ոնց է և այլն: Այնպիսի ոլորտ չկա, որ մեզ արգելված է գործունեություն ծավալել կամ հասկանալ՝ ինչ է կատարվում այդ ոլորտում»,- ասաց Բաբայանը: