ԱՀ գյուղատնտեսության նախարար Աշոտ Բախշիյանը հանդիպել է ՀՀ փոխվարչապետ Տիգրան Ավինյանի հետ
ՀՀ փոխվարչապետ Տիգրան Ավինյանը սեպտեմբերի 9-ին ընդունել է ԱՀ գյուղատնտեսության նախարար Աշոտ Բախշիյանին և ՀՀ էկոնոմիկայի նախարար Տիգրան Խաչատրյանին:
Այս մասին հայտնում են ԱՀ գյուղատնտեսության նախարարությունից։
Հանդիպման ընթացքում Տ. Ավինյանը հետաքրքրվել է Արցախի Հանրապետության գյուղատնտեսության ոլորտի վերջին շրջանի ձեռքբերումներով ու ծանոթացել իրականացվող ռազմավարությանը:
Ներկայացնելով ՀՀ կառավարության առաջնահերթություններն ագրարային ոլորտում՝ նա ընդգծել է հայկական երկու հանրապետություններում զարգացած գյուղատնտեսության դերն ու նշանակությունը որպես երկրի պարենային ինքնաբավության և հետևաբար՝ ազգային անվտանգության ապահովման առանցքային բաղկացուցչի: Խոսելով ԱՀ գյուղատնտեսության բնագավառում իրականացվելիք ծրագրերի մասին, Աշոտ Բախշիյանն իր երախտագիտությունն է հայտնել Հայաստանի Հանրապետության կառավարությանն՝ Արցախին մշտապես սատար կանգնելու և համակողմանի աջակցություն ցուցաբերելու համար: Հանդիպմանը քննարկվել են համատեղ գործակցությանն ու գյուղոլորտի առաջընթացի ապահովմանն անչվող մի շարք հարցեր:
