Կառավարության դիմաց բողոքի ակցիա են իրականացնում առևտրականները: Նրանց պահանջը նույնն է՝ վերանայել ապրանքների, քաշերի արժեքների բարձրացման հետ կապված պահանջները:

Հիշեցնենք՝ Պետական եկամուտների կոմիտեն, երեկ, քննարկման ժամանակ, քաղաքացիներին առաջարկել է գույքագրել բոլոր խնդիրները, ինչպես նաև ներկայացնել գնային քաղաքականության վերաբերյալ առաջարկություններ։

Հիշեցնենք նաև, որ սեպտեմբերի 1-ից Հայաստանում ուժի մեջ է մտել հագուստի մաքսազերծման նոր ընթացակարգը, որով ներմուծվող հագուստը մաքսազերծվելու է մյուս ապրանքների մաքսազերծման ընթացակարգերով։ Մինչ այդ մաքսազերծումն իրականացվել է կիլոգրամով։ Նոր կարգի համաձայն՝ ներմուծողը պետք է ներկայացնի հաշիվ- ապրանքագիր, որտեղ նշված կլինեն ապրանքների ստույգ քանակները, գները, անվանումներն ու մոդելները։