Կառավարության դիմաց այսօր՝ սեպտեմբերի 10-ին, մի շարք խնդիրների համար  բողոքի ակցիա իրականացնող քաղաքացիներին մոտեցան «Բարգավաճ Հայաստան» կուսակցության պատգամավորներ Արման Աբովյանն ու  Վահե Էնֆիաջյանը, ովքեր լրագրողների հեր զրույցում ներկայացրեցին իրենց քաղաքական թիմի տեսակետը ստեղծված այդ խնդիրների համար: 

«Այս խնդիրների մասին բազմաթիվ անգամներ մեր քաղաքական թիմն առիթ ունեցել է խոսելու այս խնդիրները,որոնք  որպես այդպիսին,  մենք արձանագրել ենք որպես իրողություն, նախկինում էլ ասել ենք, դա  ասել է նաեւ Բարգավաճ Հայաստան կուսակցության նախագահ Գաիկ Ծառուկյանը, ով բազմաթիվ անգամներ ամենատարբեր ամբիոններից բարձրաձայնել է եւ քաղաքական խորհրդի նիստի ժամանակահատվածում էլ այս խնդիրների մասին խոսել է, եթե  խնդիրների մասին չեն լսում,  ականջալուր չեն լինում, ըստ էության ոչ թե խնդիր է մնում եւ խնդիրները չեն լուծվում, այլ  դրանք դառնում են լրջագույն պրոբլեմներ»,- ասաց Վահե Էնֆիաջյանը` հավելելով, որ իրենք հետեւել են նիստի ընթացքին եւ  քաղաքացիների կողմից լսել են  հորդոր, որ ոչ մի պատկան մարմնի ներկայացուցիչ չկա, չկան նաեւ խորհրդարանականները. «Անձամբ ես առիթ ունեցել եմ այն մարկանց հիմնախնդիրների մասին խոսել ներկայացրել, որ չեն կարող ՀՀ-ից դուրս գալ, գնալ ՌԴ:   Նրանք հայտնվել են մի իրավիճակում, որ խնդիրների սպառող են դարձել` գործազրկության, վարկերի, պարտքերի եւ անորոշության, քանի խնդրի հետ կապված, ոչ մի պատկան մարմին պատասխան չի ասում, թե  երկու սցենարի զարգացման պարագայում, լինի լավ, թե վատ, տվյալ մարդկանց ինչ ճակատագիր է սպասվում»,- ասաց նա:

Անդրադառնալով նաեւ  վարկային համակարգի հետ կապված խնդիրներին  պատգամավոն ասաց, որ իրենց  կուսակցության ղեկավարը դեռ ամսի 5-ից մատնանշել է, որ Հայաստանի Հանրապետությունում տնտեսական եւ սոցիալական վատթարացող տեմպեր է անձանագրվում եւ  այս խնդիրների մասին պետք է ոչ միայն բարձրաձայնել, այլ կոնկրետ խնդիրների լուծումներ առաջարկել: Նա նշեց նաեւ, որ  լուծումների հետ կապված Գագիկ Ծառուկյանը իրենց կուսակցության   տեսլականը ներկայացրել է, սակայն դրան կառավարությունը ականջալուր չեղավ, ինչի պատճառով այսօր նման իրավիճակ է  ստեղծվել:

Վահե  Էնֆիաջյանը, դիմելով ցուցարարներին ասաց, որ շուտով մեկնարկելու է աշնանային նստաշրջանը, իրենք հայտարարություն ունեն անելու եւ չորեքշաբթի օրը կառավարությունը լինելու է խորհրդարանում, կառավարության  ղեկավարի գլխավորությամբ,«Մենք հնարավորություն կունենանք այն հարցերը, որոնք դուք բարձրաձայնում եք, դիմել եք մեզ , խոստանում եմ ձեզԲարգավաճ Հայաստանի պատգամավորների կողմից կբարձրաձայնենք ու կներկայացնենք ձեր խնդիրները»,- ասաց նա եւ ի պատասխան քաղաքացու այն հարցին`արդյոք Փաշինյանի հետ կկարողանան հանդիպել, խոսել, Վահե Էնֆիաջյանն ասաց.

«Ես Փաշինյանի փոխարեն, ոնց ասեմ, հայրիկ ջան, էս կառավարությունը, էս դուք, սա ձեր կառավարությունն է դուռը բացեք, մտեք ներս»: