Կան կասկածներ, որ Մաշտոցի պուրակում տարածքը, որտեղ սրճարան էր կառուցվում, 2006 թվականին անօրինական ճանապարհով է սեփականաշնորհվել: Այս մասին այսօր Երեւանի ավագանու խորհրդի նիստի ժամանակ հայտարարեց «Իմ քայլը» խմբակցությունից ավագանու խորհրդի անդամ Գայանե Մելքոնյանը:

Նա իրավապահներին կոչ արեց զբաղվել այդ հարցով՝ հավելելով, որ չնայած շինարարության դադարեցման մասին որոշմանը՝ ազդանշաններ են ստացվում այն մասին, որ աշխատանքները շարունակվում են: Երեւանի առաջին փոխքաղաքապետ Հրաչյա Սարգսյանը հավելեց, որ հարցում է ուղղվել Քաղաքաշինության կոմիտե եւ շրջակա միջավայրի նախարարություն: