Վերջին շրջանում իշխանության ներկայացոիցիչներից շատերը  և իշխանամետ շրջանակները լծված են ԲՀԿ-ին  թիրախավորելու գործին։ Բնականաբար, իշխանությունն  այս    գործի համար օգտագերծում է իր ձեռքում եղած հնարավոր բոլոր լծակները։ Լծակների թվում նաև ֆեյքերի բանակն է։  Ամենևին էլ հարկավոր չէ վարպետ լինել տեղեկատվական տեխնոլոգիաների  ոլորտում՝ հասկանալու համար, որ   գոյություն ունի ֆեյքերի հսկայական բանակ, որն աշխատում է հօգուտ այս իշխանության  և հատկապես՝ վարչապետի, և այս ֆեյքերի հիմնական աշխատանքներից մեկն էլ այս իշխանության ընդդմիախոսների հասցեին լուտանքներ ու հայհոյանքներ տեղալն է կամ ճիգերը՝ ստեղծել տպավորություն, թե հասարակության աչքին Փաշինյանից բացի՝ ոչ ոք չի գալիս, այս հասարակությունը որպես լիդեր՝ կարող է տեսնել միայն Փաշինյանին և ուրիշ ոչ ոքի։

Այս համատեքստում իրականությանը չհամապատասխանող տեղեկություններ են տարածվում իշխանության ընդդիմախոսների՝ հատկապես ԲՀԿ-ի և ԲՀԿ առաջնորդ Գագիկ Ծառուկյանի մասին։ Այս թիրախավորումները երբեմն այնքան էժան են, որ  փաստը ցույց է տվել՝ բանը հասել է նրան,  որ Ծառուկյանի  իրականացրած բարեգործական ծրագրերն անգամ քննադատությունների ենթարկվեն։ Բազմիցս արգելքներ և խոչընդոտներ ստեղծել այն ծրագրերի իրականացման համար, որոնք ծրագրել է Գագիկ Ծառուկյանը․  վառ օրինակներից մեկն այն է, որ   նողկալի եղանակներով խոչընդոտներ ստեղծվեցին, որպեսզի Ծառուկյանի նախաձեռնած սոցիալական բնակարանաշինության  մի  շարք ծրագրեր չիրականացվեն,  չբացվեն բազմաթիվ աշխատատեղեր։ Այսպիսի օրինակները բազմաթիվ են․․․ Թվում է՝ իշխանությունը պատրաստ է անել հնարավոր ամեն բան, որպեսզի Ծառուկյանի՝  վարկանիշն է՛լ ավելի չբարձրանա, կամ՝ հնարավորության դեպքում այդ վարկանիշն անկում ապրի։

Իշխանությունը  գերլարված վիճակում է՝ գիտակցելով, որ Ծառուկյանը՝ որպես լիդերի հատկություններ ունեցող քաղաքական գործիչ, ազդեցիկ է և հասարակության համակրանքն է վայելում։ Անհերքելի է, որ այս կողմից իշխանությունը վտանգ է տեսնում և հայտնվել է ցայտնոտի մեջ։

Որքան հասարակության հիասթափությունը մեծանում է և մարդիկ  փուչ հայտարարությունների շղարշից ազատվելով՝ տեսնում են իրականությունը, այնքան  մարդիկ  ավելի են հակվում գնալ իրենց հույս ու հավատ  ներշնչող, իրենց կողքին եղած գործչի՝  Գագիկ Ծառուկյանի կողմը։

Իշխանության թերացումները և որոշ պետական գործիչների ապաշնորհությունը է՛լ ավելի ցցուն դարձան  կորոնավիրուսի տարածումից հետո։ Ինչ բովանդակությամբ ճառեր ասես, կարող են հնչել,  բայց մի բան պարզ է՝  քաղաքացիները հստակ գիտեն՝ իշխանափոխությունից հետո իրենց կյանքի որակը փոխվե՞լ է, թե՞ ոչ , կամ եթե փոխվել է՝ դեպի լա՞վ է փոխվել, թե՞   է՛լ ավելի վատը․․․․

Վերջին ժամանակահատվածում ականատես եղանք,  որ փորձ արվեց Ծառուկյանի վրա ճնշում  գործագրել նաև իրավական դաշտում, բայց Ծառուկյանը չընկրկեց։ Այժմ դժվար է կանխատեսել, թե իշխանության հաջորդ քայլը որը կլինի, բայց հասարակության լայն շերտերում դժգոհության մեծ ալիք  է բարձրանում, ու այս իշխանությունն արդեն պետք  է սթափ դատի՝ հասկանալով,  որ ֆեյսբուքից ու  ֆեյքերի բանակից զատ՝ գոյություն ունի ռեալ իրականություն․ մարդիկ   կքել են վաշխառուական տոկոսներով վարկերի տակ, սոցիալական խնդիրները գնալով շատանում են, մարդիկ երազում են աշխատատեղ գտնելու մասին,  իսկ այս հոգատար իշխանության «գործուն  քայների» գործուն արդյունքներն այդպես էլ չեն երևում։  Մարդկանց կյանքի որակը բարելավելուն միտված քայլեր ձեռնարկելու, աշխատատեղեր բացելուն, տնտեսության զարգացմանը միտված քայլեր ձեռնարկելու փոխարեն՝ երկրի առաջին դեմքը կոչ է անում խնայել՝  քիչ ծխախոտ ծխել կամ  «մի շիշ արաղ քիչ խմել»․․․ 

Մի քանի ամիս անց, տրամաբանորեն, դժգոհության  է՛լ ավելի մեծ ալիք է բարձրանալու, և քաղաքացիները աստիճանաբար համախմբվում են Ծառուկյանի շուրջ։ Նույնիսկ այն ժամանակ, երբ արտակարգ դրությամբ պայմանավորված՝ արգելվում էին հավաքները, Ծառուկյանի շուրջ ծավալվող իրավական գործընթացներին զուգահեռ՝  այդ օրերին ևս բազմաթիվ քաղաքացիներ՝ ի աջակցություն Ծառուկյանի՝  հունիս ամիսին  դատարանի բակում էին կամ ԱԱԾ շենքի դիմաց։ Բազմաթիվ քաղաքացիներ  պատրաստ են կանգնել Ծառուկյանի կողքին՝ ակնկալելով, որ վաղը կունենանք  տնտեսապես զարգացած երկիր։ Իսկ այս իշխանությունները բավական երկար ժամանակ ունեին իրենց  խոստումները գործի վերածելու համար։ 

Հասարակությունը տեսնում է՝ ով է իր կողքին և ում խոստումներն են սին ու փուչ․․․

 Ի վերջո հնարավոր չի լինի անընդհատ  երկար ժամանակ շահել ու արտակարգ դրությամբ կամ կարանտինով  քաղաքացիներին խոչընդոտել՝  հավաքներ կազմակերպելու հարցում։ Գալու է ժամանակը, որ այս իշխանությունը ամբողջապես հայտնվելու է իր իսկ սարքած կոլապսի մեջ։

Հասմիկ   Սարգսյան