Ուելսի հավաքականի գլխավոր մարզիչ Ռայան Գիգզն անդրադարձել է  Կրիշտիանու Ռոնալդուի նոր նվաճմանը: Հիշեցնենք՝ Պորտուգալիայի հավաքականի կազմում նա գոլերի թիվը հասցրել էր 101-ի: Հավաքականի կազմում գոլերի ցուցանիշով համաշխարհային ռեկորդը պատկանում է Ալի Դաեին, որն Իրանի ազգային թիմում խփել է 109 գոլ: Ռայան Գիգզը կարծում է, որ 35-ամյա Ռոնալդուն կգերազանցի այդ ռեկորդը:

«Կարծում եմ՝ Ռոնալդուն կգերազանցի այդ ռեկորդը: Ես մինչև 40 տարեկանը խաղացել եմ լավագույն ակումբում և ենթադրում եմ, որ Ռոնալդուն ևս կխաղա այդքան: Կրիշտիանուն հետևում է իրեն, ճիշտ է սնվում ու հանգստանում և ապրում է հանուն ֆուտբոլի: Նա լավագույն պրոֆեսիոնալն է, որի հետ ես երբևէ խաղացել եմ»,- Գիգզի խոսքը մեջբերում է Daily Mail-ը: