«Բողոքում եմ, որովհետև կրծքերս փոքր են». Քյոսայանի հաղորդման մեջ ծաղրում են բելառուսցի ընդդիմադիրներին
Ռուսական НТВ հեռուստաալիքով հեռարձակվող «Միջազգային սղոցարան» հաղորդումը, որը վարում է Տիգրան Քյոսայանը, ծաղրի է ենթարկել բելառուս ընդդիմադիրներին: Հաղորդման շրջանակներում Քյոսայանն իբրև թե կապ է հաստատում բելառուսական ընդդիմության ներկայացուցչի հետ, ով բողոքում է, որ իր կրծքերը փոքր են, արտասահմանից հովանավորչությունը քիչ է, իսկ իրեն ցույցերի է բերել ՕՄՕՆ-ը, որովհետև «այնտեղ ձիգ տղաներ են, որոնք այնպե՜ս են գրկախառնվում»:
Հավելենք, որ քննադատությունների բուռն ալիքից հետո դերասանուհի Եկատերինա Շմակովան, ով մարմնավորում է ընդդիմության ներկայացուցչին, այսօր ֆեյսբուքյան իր էջում արցունքն աչքերին ներողություն է խնդրել ու ափսոսանք հայտնել՝ НТВ-ի հաղորդմանն իր մասնակցության համար: «Ահավոր ամաչում եմ»,- ասել է նա:
