Պուտինն ու Լավրովը ներողություն են խնդրել Սերբիայի նախագահից՝ Զախարովայի ֆեյսբուքյան գրառման համար
«Նախագահ Պուտինը երբեք ինձնից ներողություն չի խնդրել ինչ-որ բանի համար, ինչպես նաև Սերգեյ Լավրովը: Զախարովայի գրառման պատճառով նրանք դա արեցին: Ես նույնիսկ չէի հիշում այդ պատմությունը: «Կարծում եմ, որ մենք լավ հարաբերություններ ունենք, և այս միջադեպն ինձ համար կարևոր չէ», -հայտարարել է Սերբիայի նախագահ Ալեքսանդր Վուչիչը։
Ռուսաստանի ԱԳՆ խոսնակ Մարիա Զախարովան իր ֆեյսբուքյան էջում Ալեքսանդր Վուչիչի ու Դոնալդ Թրամփի հանդիպման լուսանկարի կողքին տեղադրել էր մեկ այլ լուսանկար «Հիմնական բնազդ» ֆիլմից՝ մակագրությամբ. «Եթե Սպիտակ տուն են հրավիրել և աթոռն այնպես են դրել`կարծես հարցաքննության եք, նստեք այնպես, ինչպես երկրորդ լուսանկարում է պատկերված, ով էլ որ լինեք: Պարզապես հավատացեք ինձ»,-գրել էր Զախարովան:
