Շուրջ երկու տարի է, ինչ Հայաստանում կառավարող քաղաքական ուժը իշխանության ղեկին է, բայց այդպես էլ խոսքը  գործի չի վերածվում: Քաղաքացիների կյանքի որակը փոխվե՞լ է, քաղաքացու գրպանի ու սառնարանի պարունակությունն ավելացե՞լ  է․ այս հարցերի պատասխանը, թերևս, գիտի ինքը՝ հասարակ քաղաքացին։ Բայց, արի ու տես՝ այս իշխանությունն իր աչքի գերանը թողած՝ ջանում է  աչքի  փուշ փնտրել  ընդդիմադիր  գործիչների շարքում՝ հատկապես ԲՀԿ առաջնորդ Գագիկ Ծառուկյանի։

Գագիկ Ծառուկյանը միշտ ժողովրդի կողքին է եղել։ Նա երբեք չի փորձել դիվիդենտներ շահելու համար ինչ-որ քայլեր ձեռնարկել․ պարզապես սիրել է ժողովրդին, նրա  կողքին է եղել։ 
Գագիկ Ծառուկյանն այս օրերին  էլ հանդիպումներ է ունենում ժողովրդի հետ, մարզերում է լինում, զրուցում է քաղաքացիների հետ: Ծառուկյանն  իր հսկայական փորձով  ու պրակտիկ գիտելիքներով  յուրաքանչյուր ոլորտի ներկայացուցչի հետ  նրա համար  հասկանալի  բառամթերքով խոսել  ու  նրա  խնդիրները  հասկանալ գիտի, և որ ամենակարևորն է` պատրաստակամ  է օգնել:

Հեղափոխական   էյֆորիայի   ազդեցության   նվազելուն համընթաց` այսօր բազմաթիվ քաղաքացիների  հույսեր հօդս են ցնդել. քացաքացիների երազանքները` տնտեսապես զարգացած երկիր ունենալը,  աշխատատեղ ունենալը  և  բարեկեցիկ ապրելու ցանկությունները այդպես  էլ չիրականացան....

իշխանափոխությունից հետո քաղաքացիերի կյանքի որակը չփոխվեց, և  այսօր  շատերը  իրենց հույսը դրել են  Ծառուկյանի վրա։

Իշխանության ներկայացուցիչները փաստացի լարված  և սրտնեղած  են այն փաստից, որ եթե Ծառուկյանը  առաջիկայում   հանրահավաք կազմակերպի, նրա շուրջ կհամախմբվեն  բազմաթիվ քաղաքացիներ։  Բայց,  այս իշխանությունները մի բան պիտի հաշվի առնեն. լավ  օրից չէ,  որ քաղաքացիները պատրաստ  են փողոց դուրս գալ, լավ օրից չէ,  որ կառավարության յուրաքանչյուր նիստին  կառավարության շենքի դիմաց բողոքի  ակցիա անցկացնողնեևրի թիվը  գնալով մեծանում է: Քաղաքացիները բազմաթիվ խնդիրներ  ունեն,  բայց դրանք  մնում են չլուծված:

Հատկապես սահմանամերձ համայնքներում, օրինակ՝ Տավուշի մարզի  համայնքներում,  խնդիրները բազմաթիվ են։ Իսկ ի՞նչ գործեր են արվել սահմանամերձ համայնքներում, ի՞նչ աշխատանքներ են իրականացնում այդ ընտրատարածքներից ընտրված պատգամավորները․․․ Բազմաթիվ չլուծված խնդիրներ մինչ օրս  մնացել են ծառացած  ժողովրդի  առաջ։  Այս խնդիրների մասին իշխանության ներկայացուցիչները  գիտեն, ավելին՝  գիտի նաև ինքը՝ վարչապետ Նիկոլ Փաշինյանը, որը ծնունդով հենց Տավուշի մարզից է։ Այս խնդիրներից շատերը ձնագնդու պես  օր օրի մեծանում են և դրանք լուծման կարիք ունեն։ 

 Գագիկ Ծառուկյանը իր յուրաքանչյուր  այցի ժամանակ ջանում է ինչ որ կերպ լուծել որոշակի խնդիրներ՝ իր անձնական միջոցներով։ Իշխանությունը լարված   և անհանգստացած է այս  ամենից, հետևաբար՝ պատահական չէ, որ  օրերս,   երբ  Ծառուկյանը Տավուշի մարզում էր, Ոսկևանում ու Իջևանում կուսակցության պատասխանատուների, ներկայացուցիչների հետ հանդիպմանը հետևում  էին  մեծ թվով ոստիկաններ։

Ժողովրդի  հետ  հանդիպում ունենալու հետ  կապված`  արհեստականորեն  խոչընդոտներ  ստեղծեցին,  բայց մեկ է` ԲՀԿ մարզային կառույցների ներկայացուցիչների,  ԲՀԿ առաջնորդի  ու  ժողովրդի  հանդիպումը կայացավ:

Ավելին`  վերոնշյալ  խոչընդոտների մասին   ժողովրդի հետ  հանդիպման ընթացքում հայտարարեց նաև Գագիկ Ծառուկյանը` նշելով`   վախի մթոնոլորտ   է   ստեղծվել, ամբողջ ճանապարհները փակել, անձնագրերն են ստուգում: Ծառուկյանը խոսեց նաև տուգանքների  ու հարկային բեռի ավելացման մասին` շեշտելով` ժողովուրդը  ֆինանսապես  ի վիճակի չէ  այդ գումարները  վճարել:

Հանդիպման ընթացքում  ոսկևանցիները դիմեցին Ծառուկյանին` խնդրելով մեծաքանակ  ցեմենտ տրամատրել` ճանապարհների և այլ կառույցների վերանորոգման  համար: Գագիկ Ծառուկյանը   խոստացավ  հանդիպման հաջորդ օրը անհրաժեշտ  քանակությամբ ցեմենտ ուղարկել:  Հաջորդ  օրը  ցեմենտով բեռնված մեքենան  արդեն Ոսկևանում  էր: Ի դեպ, հանդիպման  ընթացքում   ոսկևանցիները Ծառուկյանին խնդրեցին նաև համայնքի մարզադպրոցը  վերանորոգել և  հանդիսությունների սրահ  կառուցել. Ծառուկյանը խոստացավ օգնել նաև  այս  հարցում:

Գագիկ Ծառոըկյանը միշտ ժողովրդի կողքին   է  եղել, և որքան էլ ատելության մթնոլորտ ձևավորելու փորձեր արվեն, քաղաքացիները  չեն  մոռանում  այն մարդկանց,  որոնք   բոլոր նեղ օրերին  իրենց կողքին  են եղել: Այնպես որ, եթե առաջիկայում կազմակեևպվելիք հանրահավաքի ընթացքում դարձյալ էժանագին  սցենարներ մշակվեն  ու  խոչընդոտներ  ստեղծվեն, դրանք  կոտրվելու  են ժողովրդի կամքի առաջ. քաղաքացիները  հուսախաբ եղած և  սոցիալապես ծանր վիճկում են,  քաղաքացիների համբերության բաժակը դանայան տակառը չէ:

Հասմիկ Սարգսյան