Արսեն Ջուլֆալակյանի ու Լիլիթ Մակունցի ասածին ավելացնելու բան չունեմ: Այս մասին հայտարարել է Մխիթար Հայրապետյանը՝ խոսելով Ջուլֆալակյանի հեռանալու մասին ու հավելելով, որ վերջինիս ու ԿԳՄՍ նախարար Արայիկ Հարությունյանի միջև հրապարակային տարաձայնությունների ականատես չի եղել:

Ինչ վերաբերում է իր ղեկավարած հանձնաժողողովի և ԿԳՄՍՆ-ի միջև հակադրություններին, ինչի մասին գրվում է, Հայրապետյանը նշել է, որ կան բազմաթիվ քննարկումներ, խնդիրներ, որոնց շուրջ լինում են զրույցներ գործադիրի անդամների հետ. «Մեր վեճը բացառապես գաղափարական է: Կա առողջ աշխատանք, համագործակցություն խորհրդարանի ու գործադիրի միջև»:

«Պարոն Ջուլֆալակյանը հանդես է եկել հայտարարությամբ, ես ինձ թույլ չեմ տա ասել ավելին, քան՝ նա ասել է»,-ասել է իմքայլականը՝ հույս հայտնելով, որ Արսենը կփոխի որոշումը, քանի որ նրա հեռանալով տուժելու է և՛ ոլորտ, և՛ հանձնաժողովի աշխատանքը. «Որևէ մեկը չի շահելու, եթե նա դնի իր մանդատը: Հույս ունեմ, որ խնդիրները կկարգավորվեն, նա կփոխի որոշումը»:

Հայրապետյանն ասել է, որ ինքը խոսել է Արսենի հետ. «Ես նրան հորդորել եմ փոխել որոշումը: Նրա որոշումից ես տխրել եմ»: