Խորհրդարանում ԱԺ «Իմ քայլը» խմբակցության ղեկավար Լիլիթ Մակունցը, անդրադառնալով ՍԴ դատավորի թեկնածուներին և նրանց հասցեին հնչած քննադատություններին, ասել է, որ ԱԺ-ն գործընթաց էր սկսել, որով նպատակ ունեին թարմացնել, նորացնել Սահմանադրական դատարանը և իրենց քաղաքական ուղերձները, իրենց տեսակետն այդ կապակցությամբ և ՍԴ-ում հետագայում դատավորների գործունեությունների հետ կապված ներկայացրել են
«Մեր անելիքն այդ պահին այդքանով ավարտված էր և սահմանադրական մարմինները, դատավորների ընդհանուր ժողովը, ՍԴ-ն թարմացնելու առումով ներկայացրել են իրենց կարծիքով այն թեկնածուներին, որոնք արժանի են լինել ՍԴ դատարանի դատավորների»,- նշել է Մակունցը։

Նա նաև խոսել է ընդդիմադիրների՝ քվեարկությանը չմասնակցելու մասին: Նրա խոսքերով՝ ընդդիմադիր խմբակցությունների որոշումը մտահոգում է այնքանով, որ նրանք չեն ցանկանում որևէ փոփոխության հետ կապված իրենց որոշումն արտացոլել քվեարկությունում, թեկուզ դեմ քվեարկությամբ
«Դա իրենց որոշումն է, բայց ես կարծում եմ, որ մենք սրանով անում ենք հստակ արձանագրում, որ գուցե այդ երկու խմբակցությունները գոհ են այն իրավիճակից, որ այսօր կա դատաիրավական համակարգում։ Սա իմ ենթադրությունն է»,- ասել է «Իմ քայլը» խմբակցության ղեկավարը։