ՀՀ ոստիկանության ծառայողներն ԱԺ շենքի մոտից ոստիկություն են բերման ենթարկել չորս քաղաքացու։ Այս մասին Tert.am-ի հարցին ի պատասխան ասաց ՀՀ ոստիկանության լրատվության վարչության պետի տեղակալ Էդգար Ջանոյանը:

«Քաղաքացիները բերման են ենթարկվել Վարչական իրավախախտումների վերաբերյալ օրենսգրքի 182-րդ հոդվածի հիմքով՝ ոստիկանության ծառայողի օրինական պահանջը չկատարելու համար»,-ասաց Էդգար Ջանոյանը։

Նշենք, որ ՀՀ վարչական իրավախախտումների վերաբերյալ օրենսգրքի 182-րդ հոդվածը վերաբերում է հասարակական կարգի պահպանության, հասարակական անվտանգության ապահովման, օբյեկտների պահպանության պարտականությունները կատարելու ընթացքում ոստիկանության զորքերի զինծառայողի կամ ոստիկանության ծառայողի օրինական պահանջը չկատարելուն:

Նշենք, որ այսօր Ազգային ժողովի դիմաց մի շարք ակցիաներ են տեղի ունեցել՝ տնտեսվարողների բողոքի ակցիան, ԿԳՄՍ նախարար Արայիկ Հարությունյանի հրաժարականի պահանջով բողոքի ակցիան էր՝ Լուսավոր Հայաստանի նախաձեռնությամբ և այլ ակցիաներ: