Այսօր հրավիրած ասուլիսի ժամանակ, ԿԳՄՍ նախարարը, անդրադառնալով իր հրաժարականի պահանջով բողոքի ակցիա իրականացնող խմբերին, ասաց. «Եթե հիմքեր լինեն, ես ինքս մեկ րոպե ավել չեմ մնա այս պաշտոնին և ինքս դիմում կգրեմ»:

Նախարարի համոզմամբ՝ բողոքները կապված են իրականացվող բարեփոխումների հետ:

«Որոշ քաղաքական շրջանակների մտահոգությունը կապված է այն հանգամանքի հետ, որ այս բարեփոխումների արդյունքում ունենալու ենք մի սերունդ, որն այլևս իրենց հենքը չի հանդիսանալու: Ունենալու ենք քննադատող, վերլուծող սերունդ, որը եթե վերլուծի այդ շրջանակների գործունեությունը, ապա միանգամից որոշում կկայացնի, որ որևէ առիթվ այդ շրջանակներին չի սատարելու»,- նկատեց նախարարը: