Հայաստանի կրթության, գիտության, մշակույթի և սպորտի նախարարությունը քննարկում է, թե ինչպես են հատուկ կարիքներ ունեցող երեխաները դպրոց հաճախելու: Այս մասին սեպտեմբերի 16-ին Ազգային ժողովի նիստում հայտարարել է նախարարության ղեկավար Արայիկ Հարությունյանը՝ պատասխանելով պատգամավորների հարցերին:

Նրա խոսքերով՝ նախկինում մի շարք դպրոցների տնօրեններ հայտարարել էին, որ այս հարցը դեռ կարգավորված չէ:

«Դեռ պարզ չէ, թե դպրոցականներից ով կարող է առողջության պատճառով դպրոցներում դիմակ չկրել, ով այս ամբողջ ընթացքում չի մասնակցել հեռավար ուսուցմանը, և ինչ պետք է անել բաց թողածը լրացնելու համար: Մեր բոլոր հարցերն ու առաջարկներն ուղարկել ենք առողջապահության նախարարություն, որտեղ դրանք պետք է քննարկվեն»,- ասել է Հարությունյանը:

Ինչ վերաբերում է այն դասարաններին, որտեղ սովորում են լսողության խնդիրներ ունեցող երեխաները, ապա, ըստ նախարարի, քննարկվում է ուսուցիչների համար թափանցիկ դիմակներ ձեռք բերելու հարցը, որպեսզի երեխաները կարողանան կարդալ ուսուցիչների շրթունքներով:

«Նման դիմակներ ձեռք բերելու հարցը քննարկվում է «Հայաստան» համահայկական բարեգործական հիմնադրամի հետ»,- տեղեկացրել է Հարությունյանը: