Այսօր Հայաստանի Հանրապետությունը նշում է Անկախության 29-ամյակը։ Քաղաքական էլիտան Եռաբլուրում հարգանքի տուրք է մատուցել զոհված հայորդիների հիշատակին։

«Ես մաղթում եմ մեր ժողովրդին ուժ և տոկունություն, հաղթահարելու ենք բոլոր փորձությունները, որոնք կարող են, հնարավոր են և կանխատեսլի են։ Վստահ եմ, որ մեր ժողովուրդը միայն և միայն հաղթանակներ է բերելու, որովհետև մեր ցանկացածը, մեր կամեցածը միայն ու միայն արդար է»։ Այս մասին Եռաբլուրում ասել է ՀՀ պաշտպանության նախարար Դավիթ Տոնոյանը։

«Ցանկանում եմ, որ ՀՀ-ում անկախությունը և ինքնիշխանությունը հարատև լինեն։ Այս համատեքստում կուզենայի ընդգծել, որ դրանք այնպիսի կատեգորիաներ են, որոնք ամենօրյա պայքարի միջոցով ապահովվելու խնդիր ունեն։ Եվ այդ պայքարը մեզնից յուրաքանչյուրը պետք է ապահովի»,-ասել է ԱԱԾ տնօրեն Արգիշտի Քյարամյանը։