Մամուլում լուրեր են շրջանառվում այն մասին, որ «Առինջ մոլ»  առևտրի կենտրոնի ղեկավարությունը մոլի աշխատակիցներին պարտադրում է մասնակցել հոկտեմբերի 8-ին կայանալիք հանրահավաքին կամ Կառավարության առջև կազմակերպվող բողոքի ակցիաներին։

MegaNews.am-ի թղթակիցը քիչ առաջ «Առինջ մոլ»-ում էի։ Աշախակիցները հերքեցին այն տեղեկույթունները, թե իրենց  որևէ մեկը հորդորել է այս կամ այն բողոքի ակցիային մասնակցել, ոմանք էլ   նշեցին՝ վիրավորված են, որ  մամուլում իրենց մասին նման լուրեր են տարածում։ 

«Մենք մեր սեփական ուղեղն ունենք, ինքներս ենք որոշում կայացնում։ Մենք ենք որոշում՝ կգնա՞նք ինչ-որ բողոքի ակցիայի, թե՞ ոչ։ Այդ ի՞նչ սուտ լուրեր են տարածում։ Այս առևտրի կենտրոնի ղեկավարները  հարգում է բոլոր առևտրականներին, ուստի երբեք, որևէ պարագայում չէին ասի՝ վե՛ր կացեք, ակցիայի գնացե՛ք։ Այս կառավարությունն իր գործը թողած՝ իր մեղքերն ուրիշի վրա է ուզում բարդել։ Թո՛ղ այնպես աշխատեին, որ մարդիկ բողոքի ակցիաներ չկազմակերպեին։ Եթե մարդը վատ է ապրում, ավելին՝  ավելի  են վատանում նրա կենսապայմանները, բողոքի ակցիա չանի՞․ տրամաբանական է, որ կանի․ իզուր թո՛ղ որևէ մեկի վրա մեղքը չգցեն։ Թող իրենց քայլերի ու գործողությունների մեջ սխալները որոնեն, քանի որ ժողովուրդը արդեն անելանելի վիճակում է»,-  նշեց  «Առինջ մոլ»-ի աշխատակիցներից մեկը։

«Առինջ մոլ»-ի փոխտնօրենները՝  Ալիկ Նազարյանը, Լևոն Թորոսյանը և Արմեն Ներսիսյանը  ևս նշեցին՝ մամուլում շրջանառվող տեղեկությունները իրականությանն ամենևին չեն համապատասխանում, ապա լրատվամիջոցների ներկայացուցիչներին հորդորեցին գնալ «Առինջ մոլ», զրուցել բոլոր աշխատակիցների հետ, հարցուփորձ անել և համոզվել, որ «Առինջ մոլ»-ի ղեկավարները ո՛չ հիմա, ո՛չ նախկինում, ո՛չ էլ ապագայում իրենց գործընկերներին չեն հորդորելու մասնակցել բողոքի ակցիաների կամ հանրահավաքի, քանի որ յուրաքանչյուր ոք՝ որպես քաղաքացի, ազատ է նման որոշումներ կայացնելու և  հավաքների ազատության օրենքի շրջանակում իր իրավունքները իրացնելու  հարցում։ 

Մանրամասները՝ տեսանյութում։