Մոսկվայի Կուզմինկի շրջանում պայթյուն է որոտացել, որից հետո տարածքում սև ծուխ է տարածվել։ Այս մասին հայտնում են տեղի լրատվամիջոցները:

Տեսագրության մեջ երևում է, թե ինչպես է բարձրահարկ բնակելի տների հետևից ծխի սյուն բարձրանում:

Արտակարգ իրավիճակների նախարարությունից հայտնել են, որ դեպքի վայրում շինանյութեր են բռնկվել։ Այս պահին հրդեհը, որի մակերեսը կազմել է մոտ 10 քառակուսի մետր, մեկուսացվել է։ Տուժածների մասին տեղեկություններ դեռ չկան։