Գագիկ Ծառուկյանին կալանավորելու վերաբերյալ որոշումը կհրապարակվի ժամը 23-ին
ԲՀԿ ղեկավար Գագիկ Ծառուկյանի կալանավորման վերաբերյալ դատական նիստը ընդմիջվել է, քանի որ դատարանը խորհրդակցական սենյակ է գնացել որոշում կայացնելու համար: Նշվել է, որ որոշումը կհրապարակվի ժամը 23-ին:
Ծառուկյանի փաստաբանները լրագրողների հետ զրույցում ասել են, թե շարունակում են մնալ այն կարծիքին, որ քաղաքական որոշում կա Ծառուկյանին կալանավորելու: Դատարանում մեղադրող կողմն էլ ասել է, որ 4 ամիսների ընթացքում Ծառուկյանը որևէ ազդեցություն չի ունեցել դատաքննության ընթացքի վրա:
Ինքը՝ Ծառուկյանը, դատարանի դահլիճից դուրս գալով, ասել է, որ տրամադրությունը շարունակում է բարձր մնալ: Ծառուկյանը նաև ասել է, որ շատ արագ է ընթանում պրոցեսը:
