Ֆրանսիայի ներքին գործերի նախարար Ժերալդ Դարմանենն ահաբեկչություն է անվանել Փարիզում Charlie Hebdo շաբաթաթերթի խմբագրության հին շենքի մոտ լրագրողների վրա իրականացված հարձակումը: Ինչպես փոխանցում է ТАСС գործակալությունը, համապատասխան հայտարարությամբ նա հանդես է եկել France 2 հեռուստաալիքի եթերում:

«Ակնհայտ է, որ դա ահաբեկչություն է: Դա տեղի է ունեցել փողոցում, որտեղ տեղակայված է Charlie Hebdo խմբագրոթյունը, գործել են, ինչպես ահաբեկիչները: Անկասկած, սա նոր արյունալի հարձակում է մեր երկրի դեմ, լրագրողների դեմ»,- ասել է ֆրանսիացի նախարարը:

Բացի այդ, հաղորդվում է, որ իրավապահ մարմիններն այսօր ևս հինգ կասկածյալի են ձերբակալել Փարիզում երկու լրագրողի դեմ հարձակման գործով հետաքննության շրջանակներում: Մինչ այդ հաղորդվում էր մեկ կասկածյալի ձերբակալության մասին: