Խարկովի մարզում սգո օր է հայտարարվել՝ ի հիշատակ երեկ տեղի ունեցած ավիաաղետի 25 զոհերի։ Մարզի իշխանությունները կոչ են արել չեղարկել սեպտեմբերի 26-ի համար ծրագրված ժամանցային և մարզական միջոցառումները։ Պետական իշխանության մարմինների բոլոր շենքերի վրա առկա Ուկրաինայի դրոշները կիջեցվեն։ Համապատասխան փոփոխություններ կարվեն հեռուստաալիքների և ռադիոկայանների ծրագրերում։

Երեկ երեկոյան Չուգուև քաղաքի մոտ АН-26 ռազմական ինքնաթիռի ընկնելու հետևանքով զոհվել է 25 մարդ՝ Խարկովի օդային ուժերի Կոժեդուբի անվան համալսարանի 18 կուրսանտ և անձնակազմի 7 անդամ։ Եվս 2 կուրսանտ ծանր վիճակում գտնվում է հիվանդանոցում։