ԱՄՆ նախագահի դեմոկրատ թեկնածու Ջո Բայդենը Բելառուսի նախագահ Ալեքսանդր Լուկաշենկոյին համարում է բռնապետ։ Այս մասին քաղաքական գործիչն ասել է Reuters-ի հետ զրույցում։

Նրա խոսքով՝ նախագահը, որը հրաժարվում է սեփական ժողովրդի կամքն ընդունել, բռնապետ է, այլ ոչ թե ուժեղ առաջնորդ։ Բայդենը դա թուլության նշան է համարում։

Բայդենն ընդգծել է նաև, որ ԱՄՆ գործող նախագահ Դոնալդ Թրամփը մինչ օրս դիրքորոշում չի հնչեցրել Բելառուսում տեղի ունեցողի վերաբերյալ։ Ավելի քան 1 ամիս է՝ երկրում բողոքի ակցիաներ են ընթանում ընդդեմ նախագահական ընտրությունների արդյունքների, համաձայն որոնց՝ Լուկաշենկոն վերընտրվել է։

«Նախագահ Թրամփը հրաժարվում է դեմ արտահայտվել Լուկաշենկոյի գործողություններին կամ իր անձնական աջակցությունն առաջարկել ժողովրդավարության կողմնակիցներին»,-ասել է Բայդենը։