«Գագիկ Ծառուկյանի ձերբակալությունն իրականում փոխում է հասարակության մեջ շատ կարևոր մի պահ. այլևս ոչ ոք երաշխավորված չէ, որ եթե նա համաձայն չի երկրում տիրող խայտառակ և հիմար իրավիճակի հետ, ապա իրեն չեն ահաբեկի և ձերբակալի։ Գրում է ԱԺ «Բարգավաճ Հայաստան» խմբացության պատգամավոր Արման Աբովյանը և հավելում. 
2018 թվականի իշխանափոխությունը ներկա իշխանությունների համար վերածվեց շահութաբեր խոպանի, իսկ հասարակ մարդկանց համար շատ արագ վերածվեց հիասթափության, աղքատության, ջախջախված հույսերի խորհրդանիշ։ Քաղաքական լկտիությանը, խաբեությունը, անբարտավանությունը, ՀՀ քաղաքացիների ակնհայտ բարոյական դավաճանությունը դարձել են այսօրվա իշխանությունների միակ քաղաքական ձեռքբերումը։
Բայց իրենք հաշվի չեն առել մի շատ կարևոր հանգամանք, այն, ինչ իրենք անում են այսօր երկրում, այլ ձև, քան քաղաքական ինքնասպանություն անվանել չի ստացվում։
Այո՛, այս իշխանությունները շատ արագ գլորվում են անդունդ և իրենց փորձերը հետները դեպի անդունդ քաշել մեր երկիրը, ստիպում են մեզ անել ամեն ինչ, որ կանգնեցնենք երկրի ոչնչացումը։
Եվ հաստատ իմացեք, ձերբակալված լինի Ծառուկյանը, թե ոչ, միևնույն է իրեն չեք կարող վախեցնել, միևնույն է իրեն չեք կարող լռեցնել, միևնույն է ինքը և մենք կշարունակենք մեր պայքարը Հայաստանի, Արցախի և բոլոր հայերի արժանապատվության և բարգավաճման համար։
Վե՛րջ»: